Whārangi tukutuku o ngā whakaurunga me ngā aronga Māori ki te tauhokohoko

On this page

Te ōhanga Māori

E matapaetia ana he āhua $68.7 piriona te ōhanga Māori (i mua i matapaetia he $42.6p i te 2013). I whai hua tino nui tēnei ki te tipunga o te ōhanga o Aotearoa. Ko te nuinga o te huranga o te pakihi Māori ki te tauhokohoko i takea mai i tētahi wāhanga āhua nui tonu o te whenua, ahuwhenua, hao ika me te ahungahere (e 34% o te katoa o te papa rawa Māori), engari e whakaehu haere ana te Māori ki ngā ratonga papanoho, te whakanao, te ikiiki, te hanganga me ētahi atu (66%). Kei te tipu haere te rāngai-mahi Māori (āhua 100,000 atu ngā Māori i te rāngai-mahi tēnā i te waru tau ki muri), e tohua ana mā ngā pakihi iti puringa ahumoni whaiaro. Ka uru ki ēnei ngā kāmura,kaimahi kōrere wai, kaimahi hiko, kaihautū waka, rōia, kaikaute me ētahi atu ratonga tohutohu pakihi, me ngā whare manaaki.

Mēnā he pakihi Māori koe e rapu ana i te tautoko takawaenga tari, tēnā tirohia:

Te Tiriti o Waitangi

He tūnga motuhake tō te Māori i Aotearoa hei hoa rangapū tiriti o te kāwanatanga. Mai i te tau 2001 kua whakaurua e mātou tētahi whiti Tiriti o Waitangi ki roto i ā mātau Whakaaetanga Hokohoko Tuwhera katoa hei whakaata i te hiranga ā-kaupapature o Te Tiriti o Waitangi ki a Aotearoa. He toka tū moana tēnei.

Ko tā te okotahi he tāpui i te mokowā kaupapahere mā te Kāwanatanga ki te whakatinana i ngā kaupapahere ā-kāinga e pā ana ki te Māori, e taea ai e te Karauna te whakatinana tonu i ōna takohanga i raro i Te Tiriti, me te kore e tāpae i taua āhuatanga ōrite ki te hunga o ētahi atu whenua i roto i te whakaaetanga. Ko tēnei okotahi Tiriti o Waitangi tētahi noa iho o ngā okotahi me ngā tāpuitanga maha e whakarite ana kia puritia tonutia e te Kāwanatanga te mana ki te whakature i runga anō i te aronga pai o te iwi.

Tā Mātou mahere Tauhokohoko mā te Kātoa

E rapu ana te mahere Tauhokohoko mā te Katoa a te Kāwanatanga kia āhei ai ngā tāngata katoa o Aotearoa ki te tauhokohoko, me te tiaki i te aronga o ngā iwi taketake. Ka mahia tēnei e mātau mā te tauhokohoko, hei tauira, ka whakapikihia e ngā FTA ngā āheinga me te whakaiti i ngā āraitanga mā ngā pakihi Māori ki ētahi o ngā mākete nui rawa o te ao (EU, UK, Haina). Ka mahia hoki tēnei e mātau mā te kaupapahere tauhokohoko, mā te whakawhanake i ngā rautaki o te whakauru ki te Māori me te hanga whatunga i roto i te ao Māori kia mātau pai ake ai ki ngā aronga Māori ki te tauhokohoko.

Pānuitia ētahi atu kōrero mō te rārangi take Tauhokohoko mā te katoa a te kāwanatanga i konei (reo Ingarihi anake)

Tō MFAT pāhekoheko ki a Ngāi Māori mō te tauhokohoko

Te Taumata

Ko Te Taumata tētahi rōpū kaiārahi rongonui i roto i ngā mahi ohapori Māori, whakawhanake ahurea hoki, ā, he nui ā rātou hononga ki roto i te ao Māori. I te 24 o Mahuru 2019, i waitohu a MFAT i tētahi Manatu Māramatanga (MOU) me Te Taumata hei whakahōhonu i ngā whakawhitinga kōrero o MFAT ki a Ngāi Māori mō ngā kaupapahere tauhokohoko me ngā whakaarotau Māori ki roto i te tauhokohoko. Kei te tautoko te MOU i te anga pāhekohekotanga me ngā Māori, ā, e whakaatu ana i tō mātou whakahihikotanga ki te whakamana i te Tiriti me ōna mātāpono mahi tahi.

Kua whakatū hui ā-rohe maha a Te Taumata ki Rotorua, Whakatū, Tūranga, Kerikeri me Waikato Tainui ā kō ake nei. Ka titiro ēnei hui ki ngā kaupapa tauhokohoko, kaupapa pakihi maha hoki, ā, tae atu ai a MFAT ki te tautoko. Mā ēnei hui e āhei ai a MFAT me ō tātou Minita ki te kōrero tahi me te marea, me te iwi Māori hoki. Ki te hiahia koe ki te ako i ētahi atu kōrero, ka taea e koe te pānui i te MOU o MFAT me Te Taumata ki raro nei.

MFAT Te Taumata MOU (reo Ingarihi anake) [PDF, 3.3 MB]

Ki te hiahia koe ki ētahi atu kōrero mō Te Taumata, ka taea te toro atu ki tō rātou paetukutuku ki konei.(external link)

Tō MFAT Kawenga whakaaturanga mō ngā Kaupapahere Tauhokohoko

I whakaritea ēnei whakaaturanga ki te tuku atu i ngā kōrero hou ki ngā pakihi me ētahi atu rōpū mō ngā whāinga tauhokohoko a te Kāwanatanga me te Rautaki Whakaora Tauhokohoko i te mate KOWHEORI19, me te whakatairanga i ngā taputapu me ngā ratonga o ngā umanga kāwanatanga hei tuku atu ki ngā kaihokotai. Ka whai wāhi hoki a NZTE, MBIE, Customs, MPI, me te Export Credit Office (Tari Taurewa Hokotai) ki ēnei hui, nō reira he āheinga motuhake tēnei mō ngā pakihi ki te hono atu ki ngā umanga kāwanatanga maha e hāngai ana ki te hokotai ki te wāhi kotahi.

I whiria a Manukau hei wāhi mō te Kawenga Whakaaturanga tuatahi hei toro atu ki ngā rōpū o te Tonga o Tāmaki me Waikato, arā, ngā rōpū kāore e kaha haere ki te pokapū o Tāmaki Makaurau mō tēnei momo takamahi. I whakatairangatia te Kawenga Whakaaturanga ki te marea, ki te rāngai whakanao me te rāngai ahuwhenua whai pokapū ki roto o te Tonga o Tāmaki.

Kauhau Tuihono mō te Kaiwhiriwhiri Matua mō te FTA

Whakatū kauhau tuihono ai tō mātou rōpū kaiwhiriwhiri tauhokohoko (whaihoki ā mātou Kaiwhiriwhiri Matua) ki te tuku atu i ngā kōrero hou mō ngā rauna whiriwhiri me te whakautu i ngā pātai o te marea, pērā hoki i te whakatau i ngā take tauhokohoko nui.

Manga Kaupapahere Māori me te Kapa Tāmaki Makaurau

He kapa tō mātou e noho ana ki Tāmaki Makaurau, ā, e kaha pāhekoheko atu ana ki ngā pakihi Māori e mahi ana i Tāmaki Makaurau ki te rapu whakahokinga kōrero hira mō te whakapai ake i te tautoko i te Māori.

He Manga Kaupapahere Māori hoki tō MFAT, ā, he hononga tō rātou ki te ao Māori whānui, ki ngā Wānanga Tiamana ā-iwi, ki a Me Uru Kahikatea (FOMA), ki te Manatōpū Whakawhanake Wahine Māori (MWDI), Te Whatunga Pakihi Māori o Whāriki (Tāmaki Makaurau) me te Kaunihera Matihiko mō Aotearoa.

Whakapā mai

E rikarika ana mātou ki te tohatoha atu i ngā mōhiohio me te rongo i ngā tāngata whenua mō ā matou whakaaetanga tauhokohoko. Imēra mai ki a mātou: fta_outreach@mfat.govt.nz ki te whiwhi i ngā kōrero hou mō ā mātou FTA me ngā tono ki te haere ki ngā takamahi/kauhau tuihono.

Mō ētahi atu kōrero, kei ia o ngā whakaaetanga tauhokohoko o Aotearoa (reo Ingarihi anake) [PDF, 3.3 MB] tōna ake Tātaritanga Whaipānga ā-Motu (NIA) me ngā mōhiohio mō ngā whakawhitinga kōrero i tū mō taua whakaaetanga.

Poipoia te kākano kia tipu – Nurture the seed and it will blossom

Aronga Māori puta noa i ā mātau FTA

EU-NZ FTA

I te tau 2019 i komihanatia e Te Manatū Aorere me Te Puni Kōkiri a BERL ki te whakarite pūrongo mō ngā aronga Māori i te EU-NZ FTA kia mārama pai ake i ngā whakaarotau me ngā wero ki ngā kaihokotai Māori o te whakauru ki te mākete EU.

I miramiratia e te pūrongo te uara o te mākete EU ki ngā pakihi Māori, engari i kitea te hiahia tautoko nui ake hei āwhina i ngā SME. I miramiratia hoki te aronga a te Māori ki ngā āraitanga mana whakairo hinengaro me te tiakitanga o ngā taonga, ngā kīrehe me te mātauranga Māori.

Pānuitia te pūrongo katoa [PDF, 706 KB] (reo Ingarihi anake) [PDF, 3.3 MB]

Ka taea ētahi atu pānuitanga mō ngā aronga Māori, ā, he aha tā mātou e whai nei i roto i ngā whiriwhiri EU i te tuhinga i raro.

Aronga Māori ki te EU FTA (reo Ingarihi anake) [PDF, 54 KB]

Rangapū Ohaoha Matawhānui ā-Rohe (RCEP)

He maha ngā putanga RCEP e tūmanakotia ana kia whai hua ai ngā kaihoko tai me ngā pakihi Māori pēnei i te:

He pukature kotahi e kawa ana i ngā mākete 15 katoa, me te tūmanako ka nui te heke o te uauatanga, ā, ka heke hoki ngā utu tautuku mā ngā kaihokotai Māori ;
Ka pai ake te āheinga ki ngā mākete rawa ki Initonīhia mō ētahi o ngā hua o te rāngai ahu matua e hāngai ana ki ngā pakihi hokotai Māori, tae atu mā te whakakorenga o te tākehoko mītihipi, kau, ika me ngā hua ika, miraka wē, tīhi waku, tīhi paura, miere, rahopūru, tōmata me te āporo makimaki.
Ko ngā mahi me ngā whakapainga o te whakahaere tauhokohoko hei whakatau i nga āraitanga tākehoko-kore. Hei tauira, ka hanga te RCEP i tētahi tūmanako ka tukuna e ngā mana ārai ngā 'rawa pirau wawe' pēnei i te kaimoana i raro i te ono hāora i te taetanga ake, tae atu (i ngā wā motuhake) ki te tukunga o ngā rawa i waho o ngā hāora pakihi, hei whakaheke i te pirautanga me te penapena pūtea mā ngā kaihokotai;
He ara mō Aotearoa hei whakatau i ngā tauārai tākehoko-kore e puritia ana e tētahi whenua RCEP mā te whakarato i tētahi tikanga tauwhitiwhiti whai tukanga mārama, mōhiotia hoki, me ngā wātaka;
Mō te mana whakairo hinengaro, ko ngā tohu ā-wāhi (GI) e toro ana i ngā painga i riro kē i mua i raro i te CPTPP ki tētahi rōpū whānui ake o ngā hoa tauhokohoko. Waihoki, e here ana te RCEP kia whāia, kia puritia hoki te ture ōrite e ngā Peke me te puata o ngā takohanga e pā ana ki tētahi whakahaeretanga kia whakarato rātou mō te parenga o ngā GI;
Kāore he whakaratonga Whakataunga Tautohe Wehenga Kaiwhakangao i roto i te RCEP.

Te parenga o ngā rauemi iranga, te mātauranga me ngā kōrero tuku iho

I whakapuakina e ngā kaiwhaipānga Māori i te aro nui ki te parenga o Māori motika me ngā painga i roto i te reo Māori, te mātauranga taketake me ngā whakaaturanga ahurea, te mātauranga Māori, ngā tipu me ngā kararehe māori, me ngā momo taonga. He tawhiti ake te haere o te RCEP i ētahi atu o ngā FTA o Aotearoa ki te whakamana i te hiranga o te whakaaetanga o mua, whai mōhio hoki, te āheinga me te tiri hua mō te āhei atu me te whakamahi i ngā rauemi ira, te mātauranga me ngā kōrero tuku iho (GRTKF). He hātepe anga whakamua whaitake tēnei i te taumata aorere ki te whakaū i te pūmau o te rohe ki ngā mana me ngā aronga o ngā iwi taketake i GRTKF. Ka pupuri hoki a RCEP i te hangoretanga kaupapahere e hiahiatia ana e ngā Peke hei whakatinana i ngā āhuatanga GRTKF e tino tika ana mō ō rātou āhuatanga rāroto. Ka tiaki hoki a RCEP i te mana o ngā kāwanatanga o Aotearoa ki te whakarite waeture mō te taiao, te mātauranga, te hauora me te oranga o ngā tāngata o Aotearoa.

Whakaaetanga Rangapū Ōhanga Matihiko (DEPA: Digital Economic Partnership Agreement)

Ka whakarato āheinga pea te DEPA hei whakapakepake i te mahi ngātahi ā-ōhanga mō ngā take ohanga matihiko, kia whaihua hoki ngā kaihokotai Māori i ngā tikanga mārama ake mō te ōhanga matihiko. Ka whakarato pūhara te DEPA hei whakapakari i ngā hononga ahurea, hononga tangata, me ngā hononga i waenga i ngā iwi taketake. Kei roto tēnei i te kōwae Whakaurunga Matihiko o te DEPA.

PACER Plus

Te Whakapakari i ngā hononga Māori – Pasifika

He kaha ngā hononga o te Māori ki te Moananui-a-Kiwa arā ko te hītori, te ahurea, te reo me ngā hononga tangata. He hononga pīroiroi tō te hapori Māori me te hapori o te Moananui-a-Kiwa, ā, kei te tipu haere te taupori o Aotearoa e tautohu ana he Māori ia, nō te Moananui-a-Kiwa hoki - 34,269 ngā tāngata i te tau 2018.
Ka whakatū a PACER Plus i tētahi huinga tikanga tauhokohoko pātahi mō Te Moananui-a-Kiwa, e māmā ake ai ngā mahi tauhokohoko i waenga i ngā pakihi Māori me ā rātou hoa tauhokohoko o te Moananui-a-Kiwa. Ko ngā hokotai matua o Aotearoa ko te huamiraka, te mīti, te pūrere me te rino. Ko ngā hokouta matua ki Aotearoa i te Moananui-a-Kiwa ko te pūrere, te kararehe ora, te mīti, te huawhenua me te pūeru.
Ka tukuna e PACER Plus he āheinga ki te whakahōhonu ake i te whanaungatanga ōhanga i waenga i te rangapū Māori, Moananui-a-Kiwa hoki. Ko ngā whakaurunga pea ko ngā ngohe me te ārahi pakihi ki te pakihi, te whakarato ara mō ngā hautaonga me ngā ratonga hoko tai, te whakatipu rānei i ngā pakihi hononga, rangapū rānei.
Tērā pea ka tūhuratia ngā mahi ngātahi i ngā wāhi pēnei i te whakamatihiko i te reo me te ahurea taketake me ngā tauira pūngao whakahou. Kua tīmata kē ngā kaupapa panuku kaimahi i te taumata ā-rohe, e whakauru ana i ngā iwi, ngā kaitukumahi me ngā kaimahi pea. Hei tauira, nā ngā rangapū angitu ki ngā iwi i hua mai ngā āheinga panuku kaimahi i te rāngai hao ika.
Kua whakapuaki ngā iwi kei raro i a PACER Plus i tō rātou hiahia ki te ako i ngā āhuatanga o te ōhanga Māori me te whakaurunga o te Māori ki te pūnaha tauhokohoko aokapo. I tua atu i tō rātou whakarato i ngā hautaonga me ngā ratonga papai rawa, he mea whaipainga nui te kaha o te Māori ki te whakawhanaunga, tō rātou tuakiri ahurea hoki i roto i te mākete e whānui haere ana o Āhia-Moananui-a-Kiwa.

Whakairoiro Hinengaro

Kāore i te whakaaetanga tētahi wāhanga mō te whakairoiro hinengaro, i te mea kei te tirohia tonutia te rangatiratanga me te āheinga ki ngā taonga tuku iho kāore e kitea puta i te Moananui-a-Kiwa. Kāore a PACER Plus e aukati i a Aotearoa ki te whakarerekē i te tiakitanga o ngā tipu me ngā kararehe Māori, i ngā whakataunga Tiriti o Waitangi hoki.

Pānuihia ngā kōrero mō ngā whaipānga Māori ki PACER Plus (reo Ingarihi anake) [PDF, 347 KB].

Tōpūtanga Moananui-a-Kiwa (Pacific Alliance)

Mahi tahi a ngā iwi taketake

He nui kē ngā pāhekohekotanga i waenga i ngā Māori o Aotearoa me ngā iwi taketake o Hiri, Koromōpia, Mehiko, me Peru, ā, ka āhei ki te whakawhānui i ēnei hononga i roto i ngā take e pātahi ana ki a ratou. Kua whakatakotoria e Aotearoa he anga mō te whakawhanake i te mahi tahi o ngā iwi taketake o Aotearoa me te Tōpūtanga-Moananui-a-Kiwa i raro i te FTA.

Pūrongo mō ngā whaipānga Māori i roto i te Tōpūtanga o Te Moananui-a-Kiwa

I whakaritea tētahi whare mātanga ōhanga, BERL, ki te tūhura i te raukaha hokotai me ngā whaipānga a te Māori mā te arotake i ngā rangahau kua oti kē te mahi, ā, e tautokohia ana e ngā uiuinga ā-waea me ngā pakihi Māori, ngā rōpū whaipānga anō hoki.

Pānuihia te pūrongo ki konei: Hokotai Māori, te tauhokohoko o nāianei me ngā āheinga tauhokohoko ki ngā whenua o te Tōpūtanga o Te Moananui-a-Kiwa (reo Ingarihi anake) [PDF, 1 MB]

Whakaaetanga Matawhānui, Kauneke mō te Rangapū Hono-Moananui-a-Kiwa (CPTPP: Comprehensive and Progressive Agreement for Trans-Pacific Partnership)

Mātauranga tuku iho

Kei roto i te CPTPP ngā whakaritenga maha hei whakapiki ake i te maimoatanga o te mātauranga tuku iho me te whakaaturanga ahurea i roto i ngā pūnaha whakairoiro hinengaro. E whakahau ana ēnei i te tohatoha mōhiohio i waenga i ngā tari whakairoiro hinengaro mō ā rātou mahi mātauranga tuku iho, ā, me kaha hoki ngā Rōpū ki te whai i ngā mahi mana waihanga papai rawa ina he mātauranga tuku iho tō ngā tono mana waihanga.

Ko ngā putanga matua i te CPTPP e whaipānga ana ki ngā kaihokotai Māori:

I raro i te CPTPP i whakakorengia ngā tākehoko tāwāhi mō te ahumahi ngāherehere me ngā rawa ngāherehere o Aotearoa, ki Hapāni (te mākete hoko tai nui rawa tuawhā o Aotearoa) me Whitināmu (te mākete hoko tai nui rawa tuaiwa o Aotearoa) hoki.
Ka whai tākehoko ngā ika me ngā hua ika katoa e kawea atu ana ki Hapāni. Ka whakakorengia e iwa tekau mā iwa ōrau o ēnei i roto i te 11 tau, me te toenga ki roto i te 16 tau.
I whakakorengia ngā tākehoko katoa mō te huakiwi o Aotearoa i te wā i whai mana ai, ā, ka noho pūmau te utu kore tākehoko. Kāore he utu tākehoko ki te uru atu ki Hapāni hoki - arā, te mākete huakiwi nui rawa mō Aotearoa - he nui ake i te $20 miriona te hekenga o te tākehoko.
I whakakorengia ngā tākehoko mō te waina o Aotearoa, ā, kāore he utu tākehoko ki te uru atu ki Kānata (te mākete wāina nui rawa tuawhā o Aotearoa) i taua wā tonu.
Tata tonu ki te katoa o te tākehoko mō te mīti hipi o Aotearoa i whakakorengia i te wā i whai mana ai, ā, i whakapūmauhia hoki ngā pāpātanga mariu ki Kānata (te mākete hipi nui rawa atu tuawhitu o Aotearoa).
Ka whakakorengia te tākehoko katoa mō ngā āporo o Aotearoa i roto i te 11 tau. Mā konei e rite ai te papa tauwhāinga ki ngā kaihoko tai āporo o Ahitereiria e utu tākehoko iti kē ana ki Hapani.
Ka heke ngā tākehoko mō ngā mīti e hoko ana ki tai ki Hapāni ki te 38.5 paihēneti ki te 9 paihēneti i roto i ngā tau 16, koinei te putanga pai rawa atu kua tukuna atu e Hapāni ki tētahi o ana hoa tauhokohoko whai whakaaetanga. Mā konei e tango tika ai i te huanga o te tākehoko iti iho o Ahitereiria i a Aotearoa ki roto i te mākete o Hapani.
He hua pai tō te CPTPP mō ngā kaihoko huamiraka ki tai o Aotearoa. Ka whaihua rātou i te whakahekenga NZ$85 miriona i matapaetia ai o te tākehoko katoa, nā te uru iti te utu tāke ki ngā rahinga hou a Hapani, Kānata, me Mehiko, i tua atu i te whakakorenga o ngā tākehoko mō ngā hua maha.

Te manawanui o Aoteroa ki te whakarerekē i te Plant Variety Rights Act (Ture Mōtika Momo Tipu)

E manawanui ana te CPTPP ki te whakarerekē i te Plant Variety Rights Act 1987 hei whakamana, hei whakaae hoki ki te putanga hou o te International Convention for the Protection of New Varieties of Plants (UPOV 91). I a tātou e whakatinana ana i tēnei takohanga, kei a Aotearoa te tikanga ki te mahi i ngā mahi e hiahiatia ana ki te tiaki i ngā momo tipu taketake hei whakatinana i ōna takohanga i raro i te Tiriti o Waitangi.

I tīmata a Hīkina Whakatutuki (MBIE) i tētahi arotake o te Plant Variety Rights (PVR) Act i te tīmatanga o te tau 2017, ko tana mahi he āta whakaaro me pēhea a Aotearoa e whakatinana ai i ōna takohanga i raro i te CPTPP me te Tiriti o Waitangi. Ka kitea ngā kōrero whānui mō taua arotake ki konei(external link) (reo Ingarihi anake) [PDF, 3.3 MB]

I tēnei wā kei te whakaarohia tētahi pire PVR hei whakakapi i te ture PVR e te Pāremata. Ka taea e koe te pire te pānui me te whai hoki i tana whanaketanga i roto i te whare Pāremata i te paetukutuku Pāremata ki konei(external link).

Te Whai Wāhi ki te Māori

Ka whai tikanga tonu ngā āwangawanga me te whaipānga a te Māori, arā te hoa Tiriti a te Karauna, ki ngā whakataunga a te Kāwanatanga mō te CPTPP. Kei te wāhanga 9 o te Tātari Whaipānga ā-Motu (NIA: National Interest Analysis) mō te CPTPP te whakarāpopototanga o ngā whakawhitiwhitinga kōrero i whakahaerehia i mua i te whakapūmautanga o te CPTPP. I te tau 2021 i rapu whakaaro anō mātou nā runga i ngā tono ki te hono ki te CPTPP, i muri i ngā tono ōkawa a te UK i te Huitanguru ki te hono atu. Kei te whai whakaaro tonu mātou ki te whai wāhi atu ki ngā hoa Tiriti, ā, i runga hoki i ētahi atu tono ka tae pea mai ki te hono atu. He pai te tuku mai i ngā whakaaro me ngā tono ki te tūtaki anō ki te matapaki anō mā te cptppconsultations@mfat.govt.nz.

Ko MBIE te tari kāwanatanga matua e whakarite ana i te Rautaki Whakauru Māori a te Karauna me te Mahere Mahi. Ka taea te pānui i ngā kōrero mō ērā ki konei (external link)(reo Ingarihi anake) [PDF, 3.3 MB]